Carl Reinecke

Carl Reinecke (Altona, 1824ko ekainaren 23a – Leipzig, 1910eko martxoaren 10a) alemaniar Erromantizismoko musikagile, orkestra-zuzendari eta piano-jotzailea izan zen.

Bere aita Rudolfen musika heziketa jaso zuen. Zazpi urterekin hasi zen konposatzen eta hamabi urterekin pianoa jotzen. 1843an, piano kontzertuen lehen bira egin zuen, eta, horren ondoren, Leipzigen bizi izan zen luzaroan. Bertan, Felix Mendelssohn, Robert Schumann eta Franz Liszten ikasle izan zen. 1846tik 1848ra Kristian VIII.a Danimarkakoaren gorteko piano jotzailea izan zen. Koloniako Kontserbatorioko zuzendaria, Breslauko musika eta orkestra zuzendaria, Leipzigeko Gewandhaus Orkestrako zuzendaria eta hiri honetako Kontserbatorioko piano eta konposizio irakaslea izan zen.

Irakaskuntzatik erretiratu ondoren, konposizioari ekin zion. Hirurehun lan baino gehiago idatzi zituen. Wikipediatik informazioa lortu